जनकपुरधामको मोनाष्टिक विद्यालयले रक्तदान कार्यक्रम गरेर मनाए ३५ औं वार्षिकोत्सब

टुडेपाटी-
जनकपुरधाम, पुस ११ गते ।

जनकपुरधामको मोनाष्टिक आवासीय माध्यमिक विद्यालयले ३५ औं वार्षिकोत्सब मनाएका छन् । शनिबार बिहान विद्यालयको प्राङ्गणमा रक्तदान कार्यक्रमको आयोजना गरेर वार्षिकोत्सब मनाइएको हो ।

शैक्षिक क्षेत्रमा महत्त्वपूर्ण योगदान दिँदै आएको मोनाष्टिक विद्यालयले शनिबार बिहान ८ बजेदेखि मध्याह्न १२ बजेसम्म रक्तदान कार्यक्रमको आयोजना गरेको थियो । विद्यालयका संस्थापक तथा प्रवन्धनिर्देशक डा. सोनुकुमार साहको प्रमुख आतिथ्यमा सम्पन्न रक्तदान कार्यक्रममा ३९ जनाले रक्तदान गरेका छन् ।

वार्षिकोत्सबको अवसरमा आयोजित रक्तदान कार्यक्रममा विद्यालयका शिक्षक, कर्मचारी, अभिभावक तथा सर्वसाधारणको उपस्थिति रहेको थियो ।