जनकपुरले जित्यो धनुषाधाम मेयरकपको उपाधि

टुडेपाटी

जनकपुरधाम, मंसिर २२ गते ।

धनुषाधाम दोश्रो मेयरकप फुटबलको उपाधि जनकपुर स्पोर्टस क्लबले जितेको छ।

धनुषाधाम–५ पर्वतामा आयोजित दोश्रो मेयरकप फुटबल प्रतियोगितको उपाधि जनकपुरले जितेको हो।
आइतबार भएको फाइनल खेलमा आयोजक पर्वतालाई ०–२ गोल अन्तरले पराजित गर्दै जनकपुर स्पोर्टस उपाधि जितेका हो।

जनकपुर स्पोर्टसको तर्फबाट जर्सी नं.९ का संजोग मगरले २ गोल गरेका थिए।

दोश्रो मेयर कप फुटबल प्रतियोगितमा विजेता जनकपुर स्पोर्टसलाई नगद ४० हजार र शिल्ड तथा उप विजेतालाई नगद २० हजार र शिल्ड प्रदान गरिएको अखिल नेपाल फुटबल संघ प्रदेश २ का महासचिव एवम् जिल्ला फुटबल संघ धनुषाका कार्यवाहक अध्यक्ष सुरेश शर्माले बताए।