बर्दिबास घटना विरुद्ध जनकपुरमा प्रदर्शन र श्रद्धाञ्जली सभा

टुडेपाटी-
जनकपुरधाम, मंसिर १० गते ।

महोत्तरीको बर्दिबासकी ६ वर्षीया बालिका गुलबसा खातुनको हत्यारालाई कारवाहीको माग बुधबार साँझ जनकपुरको विभिन्न स्थानमा विरोध प्रदर्शन एवं श्रद्धाञ्जली सभा भएको छ ।

बालिका गुलबसा खातुनको दोषी र संजय न्यौपानेलाई गोली प्रहार गरी हत्या गर्ने दोषी प्रहरीमाथि कारवाहीको माग गर्दै जनकपुरधामको रमानन्द चोकमा स्थानीय युवाहरुले प्रदर्शन गरेका छन् ।

बुधबार साँझ रामानन्द चोकमा युवा अभियन्ता सरोज मिश्रको नेतृत्वमा चक्काजाम गरि केहिबेर चक्काजाम गर्दै युवाहरुले विभिन्न नारा लेखिएको प्लेकार्ड र हात हातमा मैनवत्तीसहित प्रदर्शन गरेका हुन् ।

यस्तै जानकी मन्दिरको प्राङ्गणमा नेपाल तरुण दलका उपाध्यक्ष राकेश विक्रम साहको नेतृत्वमा श्रद्धाञ्जली सभाको गरिएको छ । त्यस्तै महोत्तरीको भङ्गहा बजारमा समेत विरोध प्रदर्शन एवं श्रद्धाञ्जली सभा भएको छ ।