बालिका बलात्कार गरी हत्या गर्ने अरुण यसअघि साथीकै हत्या गरेको खुलासा, धरौटीमा छुटेका थिए
टुडेपाटी-
जनकपुरधाम, मंसिर ९ गत ।
महोत्तरीको बर्दिवास नगरपालिका १४ शुभम् बस्तीकी ६ वर्षीय बालिका गुलाव खातुनको हत्या आरोपमा पक्राउ परेका स्थानीय २६ वर्षीय अरुणकुमार साह यसअघि पनि हत्या अभियोगमा पक्राउ परेको रहस्य खुलेको छ ।
शुभम् बस्तीमा आफ्नै घरमा अरुण किराना पसल संचालन गरेका साह गौशाला नगरपालिका ५ का स्थायी बासिन्दा हुन् । उनी ६ महिनाअघि आफ्नै छिमेकी दिलिप ठाकुरको हत्या आरोपमा पक्राउ परेका अभियुक्त रहेको महोत्तरी प्रहरीले जनाएको छ ।
Sponsored
साहबिरुद्धको मुद्दा अझै जिल्ला र उच्च अदालतमा बिचाराधीन रहेको छ । २८ बैशाख २०७७ मा आफ्नै साथीसँग मादक पदार्थ सेवन गरेर बादविवाद हुँदा साहले ठाकुरको हत्या गरेका खुलेको थियो ।
आइतबार साँझदेखि बेपत्ता भएकी बालिका गुलाबको बलात्कार गरी हत्या आरोपमा साह पक्राउ परेपछि सो यसअघिका अपराधिक घटना पनि संलग्न भएको रहस्य खुलेको हो । बालिका आइतबार अपराहन्न ४ बजे चकलेट किन्न साहको किराना पसलमा गएपछि घरमा लगेर बलात्कार गरी हत्या गरेको उनले प्रहरीलाई बयान दिएका छन् ।
सोमबार साँझ अरुणले आफ्नो परिवारमा बालिकालाई बालत्कार गरी हत्या गरेको जानकारी गराएका थिए । त्यसपछि परिवारजनले इलाका प्रहरी कार्यालय गौशालामा पुगेर अरुणलाई जिम्मा लगाएका थिए । अरुणले दिएको बयान अनुसार उनलाई बर्दिबास ल्याएर बालिकाको शव फालेको ठाउँमा लगेको थियो । त्यहिँ बोरामा शव फेला परेको थियो ।
Sponsored
घटना विरुद्धमा मंगलबार बिहानैदेखि आक्रोशित स्थानीयले बर्दिबासमा पूर्वपश्चिम राजमार्ग अवरुद्ध गर्नुको साथै पक्राउ आरोपी साहको घर समेत जलाएका छन् ।
सम्बन्धीत समाचार
