TodayPati

धनुषामा हत्या आरोपमा तीन जना पक्राउ

टुडेपाटी-
जनकपुरधाम, मंसिर ४ गते ।
धनुषामा हत्या गरेको आरोपमा तीन जनालाई प्रहरीले पक्राउ गरेका छन् । पक्राउ पर्नेमा गणेशमान चारनाथ नगरपालिका ९ बरमझियाका पवन शर्मा, श्रवण शर्मा र प्रमोद महरा छन् ।

गएको कात्तिक ३० गते गणेशमान चारनाथ नगरपालिका २ का सरोज साहको कुटपिटबाट मृत्यु थियो । सोही हत्या आरोपमा इलाका प्रहरी कार्यालय ढल्केवरका प्रमुख प्रहरी निरीक्षक तिर्थ कार्कीले जानकारी दिए ।

उनका अनुसार बरमझियाकै एक पसलमा बसेको बेला सामान्य विवाद हुँदा कुटाकुट भएको थियो । कुटाइबाट साह गम्भीर घाइते भएका र उपचारको क्रममा विराटनगरस्थित एक अस्पतालमा मृत्यु भएको प्रहरी निरीक्षक कार्कीले बताए ।

Sponsored

घटनाकै दिन आरोपितहरुलाई कुटपिटको आरोपमा पक्राउ गरिएको थियो । तर साहको मृत्यु भएपछि आरोपितलाई नियन्त्रणमै राखि अनुसन्धान प्रक्रिया अघि बढाइएको उनले बताए ।

घटनाबारे थप अनुसन्धान भइरहेको प्रहरीले जनाएको छ ।

Sponsored

टुडेपाटी

‘जनताको सँच्चा पहरेदार, ताजा–ताजा समाचार’ - टुडेपाटी

Leave a Reply

Your email address will not be published. Required fields are marked *