सप्तरीमा ट्याक्टरको ठक्करबाट एकजनाको ज्यान गयो

टुडेपाटी-
सप्तरी, फागुन १६ गते ।

सप्तरीमा ट्याक्टरको ठक्करबाट मोटरसाइकलमा सवार एकजनाको ज्यान गएको छ । सप्तरीको हनुमाननगर कंकालिनी नगरपालिका–३ पोर्ताहाका २० वर्षीय बिनोद खरहरीको ज्यान गएको हो ।

बिहीबार साँझ सप्तरीको हनुमाननगर कंकालिनी नगरपालिका ३ पोर्ताहामा ज.१ त ६६४४ नम्बरको ट्याक्टरले ना.११ प १७०४ नम्बरको मोटरसाइकललाई ठक्कर दिएको थियो । दुर्घटनामा गम्भीर घाइते भएका मोटरसाइकलमा सवार खरहरीको उपचारका लागि अस्पतालतर्फ लैजाने क्रममा बाटोमै मृत्यु भएको प्रहरीले जनाएको छ ।

Sponsored

दुर्घटनामा घाइते भएका मोटरसाइकलमा सवार हनुमाननगर कंकालिनी नगरपालिका–३ बस्ने २१ वर्षीय शैलेन्द्र खरहरीको न्यूरो अस्पताल बिराटनगरमा उपचार भइहेको छ।