नेपालमा थप १३५१ जना संक्रमित, ७४२ जना डिस्चार्ज

टुडेपाटी-

जनकपुरधाम, असोज १२ गते ।

पछिल्लो २४ घन्टामा थप १ हजार ३ सय ५१ जना कोरोना संक्रमित थपिएका छन् । आइतबार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ७४ हजार ७ सय ४५ पुगेको छ ।

त्यस्तै पछिल्लो २४ घन्टामा नेपालमा ७ सय ४२ जना कोरोना निको भएर डिस्चार्ज भएका छन् । योसँगै नेपालमा हालसम्म कोरोना निको भएर डिस्र्चाज हुनेको संख्या ५४ हजार ६ सय ४० जना पुगेको छ ।

पछिल्लो २४ घन्टामा नेपालमा थप ४ जना कोरोना संक्रमणबाट मृत्यु भएको भने नेपालमा कोरोना संक्रमणबाट मृत्यु हुनेको संख्या ४ सय ८१ पुगेको छ ।