जनकपुरमा एक नवजात शिशुको शव फेला

टुडेपाटी-
जनकपुरधाम, असोज ९ गते ।

जनकपुरमा एक नवजात शिशुको शव फेला परेको छ । शुक्रबार बिहान जनकपुरधाम उपमहानगरपालिका- ९ र वडा नं १४ को बीचमा पीडारीचोकदेखि उत्तरतर्फ शव फेला परेको हो ।

मुजेलिया र पीडारीचोककोबीचमा रहेको विश्वकर्मा मन्दिरको पश्चिम तर्फ शिशु फालिएको अवस्थामा भेटिएको स्थानीयले बताएका छन् ।

वडा प्रहरी कार्यालय मुजेलियाका अनुसारका शिशु तत्कालै फालिएको अवस्थामा भेटिएको हो । बच्चाको हातखुट्टा कुकुरले खाएको अवस्थामा सडकबाट आवतजावत गर्ने स्थानीयले देखेपछि प्रहरीलाई खबर गरेको थियोे ।

नाभी लागेकै अवस्थामा शिशुको शव भेटाएपछि बच्चा कसैले फालेर भागेको हुन सक्ने अनुमान प्रहरीले गरेको छ । छोरा रहेको ती बच्चालाई कसले र किन फालिएको हो भनेर अनुसन्धान सुरु भइरहेको छ ।

अवैद्य सम्बन्धका कारण बच्चा जन्मिएपछि फालिएको हुन सक्ने अनुमान समेत गरिएको छ ।