पाल्पामा पहिरोमा घर पुरिँदा एकै परिवारका ६ जना बेपत्ता

टुडेपाटी-

पाल्पा, असोज ८ गते ।

पाल्पाको रम्भा गाउँपालिकाको फोक्सिङकोट बेलौजामा अविरल वर्षा संगै आएको पहिरोले तीन घर पुरिँदा ६ जना बेपत्ता भएका छन् । बेलौजा स्वास्थ्य चौकी नजिकै माथिल्लो भागबाट बिहिबार विहान खसेको ठूलो पहिरोले दुई घर पुरिएका हुन् ।

पहिरोमा परि हुम बहादुर गाहा र मनबहादुर गाहाको घर पुरिँदा पाँच जना बेपत्ता भएको प्रहरीले जनाउको छ । मनबहादुर गाहाको परिवारका तीन जना भने पहिरो खसेपछि भागेर ज्यान जोगाउन सफल भएका वडाध्यक्ष उमानसिंह सारुले बताए । हुमबहादुर गाहाको परिवारमा सुतिरहेका पाँच जना सम्पर्कविहीन भएका छन् ।

अविरल वर्षासँगै खसेको पहिरोले घर पुरिएर फोक्सिङ्कोटकै सुरुमडाँडामा एक जना गर्भवती महिला बेपत्ता भएकी छन् । उनका श्रीमान् भने पहिरो खसे पनि ज्यान जोगाउन सफल भएका थिए । पानी परिरहेको र पहिरो खस्ने क्रम नरोकिएकाले उद्धारमा समस्या भएको गाउँपालिका अध्यक्ष विष्णुप्रसाद भण्डारीले बताए ।