सर्लाहीमा माहुरीले टोक्दा बालिकाको ज्यान गयो

टुडेपाटी-
सर्लाही, असोज ७ गते ।

सर्लाहीमा माहुरीको टोकाइबाट तीन वर्षीया बालिकाको ज्यान गएको छ । सर्लाहीको गोडैता नगरपालिका–९ बकैनियाका राजेश चौधरीकी छोरी साक्षीकुमारीको ज्यान गएको हो ।

सोमबार साँझ खेल्ने क्रममा माहुरीले टोक्दा उनी बेहोस भएकी थिइन् । बालिकालाई गाउँकै मेडिकलमा प्राथमिक उपचार गरी थप उपचारका लागि जिल्ला अस्पताल मलंगवा ल्याइएको थियो ।

उनको उपचारका क्रममा सोमबार राती अस्पतालमै मृत्यु भएको बकैनियाँका वडाध्यक्ष बासुदेव चौधरीले जानकारी दिए ।