जनकपुरबाट हतियार बेच्न दुई युवा पक्राउ

टुडेपाटी-
जनकपुरधाम, भदौ २५ गते ।

जनकपुरबाट हतियार बेच्न दुईजना युवा पक्राउ परेका छन् । पक्राउ पर्नेमा जनकपुरधाम उपमहानगरपालिका-२५ लोहनाका २१ वर्षीय अजय राज कास्यत र २४ वर्षीय सुनिल कुमार मण्डल छन् ।

जनकपुरधाम उपमहानगरपालिका- ७ मुसहरी टोल स्थित हातहतियार बेच्न आएको विशेष सूचनाको आधारमा दुबैजनालाई पक्राउ गरिएको धनुषाका प्रहरी उपरीक्षक रमेशकुमार बस्नेतले जानकारी दिए ।

बिहिबार दिउँसो करिब साढे १२ बजेको समयमा बेच्न आएको कटुवा पेस्तोल र त्यसमा लाग्ने गोलीसहित उनीहरूलाई नियन्त्रणमा लिइएको धनुषा प्रहरीले जनाएको छ ।

घटना सम्बन्धमा थप अनुसन्धान भइरहेको प्रहरीले जनाएको छ ।