सप्तरीमा सवारी दुर्घटना : हजुरबा र नतिनी ठहरै, श्रीमती र छोरी घाइते

शुभनारायण यादव-
सप्तरी, साउन २८ गते ।

पुर्व पश्चिम राजमार्ग अन्तर्गत सप्तरीको खडक नगरपालिका ६ कल्याणपुरमा सवारी दुर्घटना हुँदा ३ वर्षीया बालिका सहित दुईजनाको मृत्यु भएको छ ।

पुर्वबाट पश्चिम तर्फ जादै गरेको ना.४च ८४८३ नम्बरको पिकअप विपरीत दिशाबाट आउँदै गरेको स.७ प ८९३२ नम्बरको मोटरसाइकललाई ठक्कर दिदा एकजनाको घटनास्थलमै र अर्का एकजनाको उपचारलागि लैजाने क्रममा मृत्यु भएको हो ।

मोटरसाइकल चालक खडक नगरपालिका ६ कल्याणपुर विरपुरका ४५ बर्षीय कासिम अन्सारी र उनका नातिनि ३ वर्षीया फरना खातुनको मृत्यु भएको जिल्ला प्रहरी कार्यालय सप्तरीका डिएसपी तिलक भारतीले जानकारि दिए ।

कासिमको घटनास्थलमै र नातिनीको रायपुर स्थित युनिक अस्पतालमा उपचारको लागि लैजाँदै गर्दा बाटोमै मृत्यु भएको हो ।

मोटरासाईकलमै पछाडि सवार मृतक कासिमकी श्रीमती ४० वर्षीया रोशना खातुन र उनकी छोरी २५ वर्षीया समसुन खातुन गम्भीर घाइते भएको प्रहरीले जनाएको छ ।

घाइते दुबैजनाको युनिक अस्पताल रायपुरमा उपचार भइरहेको र ठक्कर दिने पिकअप र चालकलाई इलाका प्रहरी कायाृलय कल्याणपुरको नियन्त्रणमा रहेको प्रहरीले जनाएको छ ।