थप ११६ जनामा कोरोना पुष्टि, संक्रमितको संख्या १७ हजार १७७ पुग्यो

टुडेपाटी-

जनकपुरधाम, असार ३१ गते ।

नेपालमा गएको २४ घण्टामा ११६ जना काेराेना संक्रमित थपिएका छन् । यससँगै नेपालमा काेराेना स‌ंक्रमितको १७ हजार १ सय ७७ पुगेको छ ।

यस्तै पछिल्लो २४ घण्टामा ६ सय ९७ जना कोरोना संक्रमित डिस्चार्ज भएका छन् । यससँगै डिस्चार्ज हुनेहरुको संख्या ११ हजार २५ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।

पछिल्लो २४ घण्टामा देशभरका २६ वटा प्रयाेगशालामा ५ हजार ९० जनाकाे पीसीआर परीक्षण गरिएकाे स्वास्थ्य तथा जनसंख्या मन्त्रालयकाे नियमित प्रेस व्रिफ्रिङको क्रममा मन्त्रालयका प्रवक्ता डा. जागेश्वर गाैतमले बताए ।

बुधबारसम्म देशभरका क्वारेन्टिनमा २४ हजार ५ सय २७ जना रहेका छन् भने ६ हजार १ सय १३ जनाको आइसाेलेसनमा उपचार भइरहेकाे स्वास्थ्य मन्त्रालयले जनाएकाे छ ।