नेपालमा थप २० जनामा कोरोना संक्रमण पुष्टि, संक्रमितको संख्या ५ सय ७ पुग्यो

टुडेपाटी
जनकपुरधाम, जेठ ९ गते ।

नेपालमा थप २० जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार डडेलधुराको पराशुरामका २८ वर्षीय पुरुष र वैतडीको शिवनाथ १ का २२ वर्षीय पुरुष सहित गरी थप २० जनामा संक्रमण पुष्टि भएको हो । यससँगै संक्रमितको संख्या ५०७ पुगुेको छ ।

यस्तै कैलालीमा तीन जनामा संक्रमण पुष्टि भएको छ । जानकी गाउँपालिकाको सरस्वती माविको क्वारेन्टाइनमा रहेका १९, २३ र २६ वर्षका पुरुषमा संक्रमण पुष्ट भएको हो ।

यस्तै बाँकेमा १४ जना संक्रमित थपिएका छन् । उनीहरु १८ देखि ६१ वर्ष उमेरका पुरुषहरु छन् । उनीहरु मध्ये १८ वर्षीय पुरुष राप्ती सोनारीका हुन् भने बाँकी १३ जना नरैनापुरका हुन् ।

यस्तै मोरङको रतुवामाई( २ का एक जनामा पनि संक्रमण पुष्टि भएको छ ।