महोत्तरीमा घाँटी थिचेर हत्या गर्ने एकजना पक्राउ

टुडेपाटी-

महोत्तरी, जेठ ८ गते ।

महोत्तरीमा छिमेकीको घाँटी थिचेर हत्या गरेको अभियोगमा प्रहरीले एकजनालाई पक्राउ गरेको छ । महोत्तरीको सोनमा गाउँपालिका-३ रघुनाथपुर बस्ने २७ वर्षीय जयनाथ यादवलाई प्रहरी पक्राउ गरेको हो ।

सोही गाउँपालिका-७ सुन्दरपुर बस्ने ६७ वर्षीय दिपलाल यादवलाई जयनाथले सार्वजनिक पोखरीमा घाँटी थिचेर सोही पोखरीमा डुबाई मारेको भन्ने खबर प्राप्त हुनासाथ ईलाका प्रहरी कार्यालय गौशालाबाट खटिएको प्रहरीले उनलाई पक्राउ गरेको बताइएको छ ।

यस सम्बन्धमा प्रहरीले थप अनुसन्धान गरिरहेको छ ।