लायन्स क्लब अफ काठमाडौं मिथिला सिटीद्वारा निःशुल्क स्वास्थ्य शिविर सम्पन्न

टुडेपाटी-
काठमाडौं, पुस २२ गते ।

काठमाडौंको टोखा नगरपालिका–८ मा लायन्स क्लब अफ काठमाडौं मिथिला सिटीको आयोजनामा “सेवा नै धर्म हो“ नाराका निःशुल्क स्वास्थ्य शिविर सम्पन्न भएको छ ।

ईकोन डेन्टलको प्राविधिक सहयोगमा जालुपा माध्यमिक विद्यालय परिसरमा आयोजित उक्त शिविरमा दाँत, मधुमेह र उच्च रक्तचाप परीक्षण गरिएको छ ।

जसमा २५० जना भन्दा बढी स्थानीय बासिन्दाले लाभ लिएको लायन्स क्लब अफ काठमाडौं मिथिला सिटीका उपाध्यक्ष आनन्द मण्डलले जानकारी दिए ।

शिविरको उद्घाटन वडा अध्यक्ष रमेश खत्री र क्लबका अध्यक्ष राघवेन्द्र सिंहले संयुक्त रूपमा गरेका थिए । शिविरमा सहयोगीहरुलाई प्रमाणपत्र समेत वितरण गरिएको छ ।