धनुषामा हत्या आरोपित १९ बर्षपछि पक्राउ

टुडेपाटी–
जनकपुरधाम, साउन १९ गते ।

धनुषा प्रहरीले हत्याका आरोपितलाई १९ वर्षपछि पक्राउ गरेको छ ।

शुक्रबार दिउँसो इलाका प्रहरी कार्यालय ढल्केबर र यज्ञभुमीबाट खटेको प्रहरी टोलीले धनुषाधाम नगरपालिका ९ बस्ने ५३ वर्षीय सकिर नसिर दफाली भन्ने सगिर दफालीलाई नियन्त्रणमा लिएको जिल्ला प्रहरी कार्यालय धनुषाले जनाएको छ ।

दफालीले २०६१ साल असोज २७ गते स्थानीय कमरुल खातुनलाई लात्तिले कोखामा हिकाउँदा घट्नास्थलमै मृत्यू भएको थियो ।

सो घटनामा फरार रहेका दफालीलाई पक्राउ गरी थप अनुसन्धान भईरहेको प्रवक्ता प्रहरी नायव उपरीक्षक वेदप्रसाद गौतमले जानकारी दिए ।