धनुषामा टिपरको ठक्करबाट बच्चाको मृत्यु, अवस्था तनावग्रस्त

टुडेपाटी–
जनकपुरधाम, बैशाख १८ गते ।

धनुषाको सबैलामा टिपरको ठक्करबाट एक बच्चाको मृत्यु भएको छ ।

सबैला नगरपालिका १२ रघुनाथपुरमा टिपरको ठक्करबाट एक बच्चाको मृत्यु र एक घाइते भएपछि अवस्था तनावग्रस्त बनेको छ ।

आक्रोशित स्थानीयले ठक्कर दिने टिपरमा तोडफोड र आगजनी गर्न खोज्दा प्रहरीले हवाई फायर गरेका छन् ।

प्रदेश २–०३–००१ क १६२१ नम्वरको टिपरको ठक्करबाट स्थानीय ७ वर्षिय बालक रियान्स दनुवारकोे घटनास्थलमै मृत्यु भएको हो । ठक्करबाट सोही ठाउँकी राधी कुमारी घाइते भएकी छन् ।

मृतक बालक र घाइते बालिका स्कूल पढेर घरतर्फ जाने क्रममा टिपरले ठक्कर दिएको बताइएको छ ।

टिपरका चालक भने फरार भएका छन् ।