मधेश : ट्याक्टरले साइकलमा ठक्कर दिँदा श्रीमतीको मृत्यु, श्रीमान गम्भीर घाइते

टुडेपाटी-
पर्सा, फागुन ३० गते ।

पर्सामा ट्रयाक्टरले साइकललाई ठक्कर दिँदा एक महिलाको मृत्यु भएको छ । मृत्यु हुनेमा पर्साको धोविनी गाँउपालिका वडा नम्बर ३ गुलरियाकी ७२ वर्षीया महेसीया देवी हजरा छन् ।

पर्साको पटेर्वासुगौली गाँउपालिका ४ स्थित सडकमा सोमबार दिउँसो मे. १ त ४८१७ नम्बरको ट्रयाक्टरले विपरित दिशाबाट आउँदै गरेको साईकललाई ठक्कर दिएको थियो । साईकलमा पछाडि सवार महेसीया देवीको मृत्यु भएको प्रहरीले जनाएको छ । साइकल चालक मृतक महेसिया देवकी पति प्रसाद हजरा गम्भी घाइते भएका छन् । उनको वीरगञ्जस्थित नारायणी अस्पतालमा उपचार भइरहेको छ ।

Sponsored

घटना पश्चात ट्रयाक्टर र चालक पर्साको कालीकामाई गाँउपालिका वडा नम्बर २ घर भएका ३२ वर्षिय महेन्द्र सहनीलाई प्रहरीले नियन्त्रणमा लिएर अनुसन्धान गरिरहेको पर्साका प्रहरी प्रवक्ता डिएसपी दीपक गिरीले जानकारी दिए ।