धनुषामा ट्याक्टरले मोटरसाइकलमा ठक्कर दिँदा दुईजनाको मृत्यु

टुडेपाटी-
जनकपुरधाम, फागुन २० गते ।

धनुषामा ट्याक्टरले मोटरसाइकलमा ठक्कर दिँदा दुईजनाको मृत्यु भएको छ।

मृत्यु हुनेमा लक्ष्मीनिया गाउँपालिका ४ सपही बस्ने वर्ष ४५ का रामएकवाल ठाकुर र वर्ष ६० का सत्यनारायण साह रहेको प्रहरीले जनाएको छ ।

जनकपुर ढल्केबर सडक खण्ड अन्तर्गत लक्ष्मीनियाँमा शनिबार राति करिब ९ बजे ज १ त ५२४५ नम्बरको ट्याक्टरमा ज १० प ६४२९ नम्बरको मोटरसाइकल ठोक्किएर दुर्घटना भएको हो ।

दुबैजनाको शव पोस्टमार्टमका लागि प्रादेशिक अस्पताल जनकपुरमा राखिएको छ ।