सप्तरीको बैरबोनामा आगलागी हुँदा लाखौंको क्षति

शुभ नारायण यादव–
सप्तरी, फागुन १२ गते ।

सप्तरीको सुरुङ्गा नगरपालिका वडा नं. ९ बैरबोनामा आगलागी हुँदा लाखौंको क्षति भएको छ ।

स्थानीय रामचन्द्र यादबको घरको बिजुलिको तार सर्ट भइ अचानक आगलागी हुँदा यादवको एक तल्ले फुसको घर तथा घरमा रहेका सम्पूर्ण समान जल्नुका साथै छिमेकी परिक्षण यादव, राम किसुन यादव, चन्द्रदेब यादव, बलराम यादव, रामबृष यादव सहितहरुको घर तथा घरमा रहेका नगद सहित सम्पूर्ण समान जलेर झण्डै २० लाख मुल्य बराबरको क्षति भएको जिल्ला प्रहरी कार्यालय सप्तरीले जनाएको छ।

आगो राजविराज तथा लहानको बारुण यन्त्र तथा स्थानीयबासी, नेपाल तथा सशस्त्र प्रहरीको सहयोगमा नियन्त्रणमा आएको जिल्ला प्रहरी कार्यालय सप्तरीका डिएसपी एव प्रवक्ता नरेशकुमार सिंहले जानकारी दिए ।

यसअघि हिजो मात्रै सप्तरीके बोदेबरसाइन नगरपालिका वडा नं. १० खडकपुरमा आगलागी हुँदा आधा दर्जन भन्दा बढिको घर जल्दा झन्डै १८ लाखको क्षति भएको थियो ।

पछिल्लोपटक हावाहुरी बढेपछि मधेश प्रदेशका विभिन्न जिल्लाहरुमा आगलागीका घटनामा वृद्धि भएकाले आगलागी सम्बन्धित जनचेतना फेलाउनुपर्ने भनाइ स्थानीय समाजसेवी एव इन्जिनियर सुर्य नारायण यादवको रहेको छ ।