मधेश प्रदेश : सवारी दुर्घटनामा वृद्धको मृत्यु

टुडेपाटी–
पर्सा, मंसिर १५ गते ।

वीरगञ्जमा सवारी दुर्घटनामा परी वृद्धको मृत्यु भएको छ ।

वीरगन्ज महानगरपालिका वडा नं २४ का ७० वर्षीय रुपा राउत कुर्मीको दुर्घटनामा परेर मृत्यु भएको हो ।

वीरगञ्जस्थित नारायणी अस्पतालमा कुर्मीको बुधबार साँझ करिब ७ बजे मृत्यु भएको हो ।

उनलाई बुधबार साँझ साढे ६ बजेको समयमा वीरगन्ज मनपा–२५ चण्डाल चोकस्थित सडक खण्डमा ना ३ ख ६०७५ नम्बरको ट्रकले ठक्कर दिइ गम्भीर घाइते बनाएको थियो ।

उनलाई तत्कालै प्रहरीले उपचारार्थ अस्पताल पुर्‍याएकोमा चिकित्सकले मृत घोषणा गरेका थिए ।

ट्रक चालकलाई प्रहरीले नियन्त्रणमा लिएको छ ।