सालनालसहित बेवारिशे अवस्थामा नवजात शिशु फेला

टुडेपाटी-
सिरहा, मंसिर १५ गते ।

सिरहाको बरियारपट्टीमा वेवारिशे अवस्थामा एक जवजात शिशु फेला परेको छ । बरियारपट्टी गाँउपालिका वडा नम्बर ३ स्थित सालनालसहितकै अवस्थामा छोरा नवजात शिशु फेला परेको हो।

बरियारपट्टी बजार भन्दा ३०० मिटर पश्चिम र दक्षीणमा बिहीबार बिहान सालनालसहितका शिशु रोएको अवस्थामा स्थानीयले देखेपछि ईलाका प्रहरी कार्यालय बरियापट्टीमा खबर गरेका थिए ।

प्रहरी टोली घटना स्थलमा पुगेर नवजात शिशुलाई स्वास्थ्य चौकी बरियारपट्टीमा राखिएको छ । शिशुलाई जिल्ला अस्पताल सिरहामा पठाउने तयारी भई रहेको प्रहरीले जनाएको छ ।

अवैध सम्बन्धबाट सो शिशु जन्मेको कारण कसैले जन्मकै बेला बेवारिशे फालेको हुन सक्ने प्रहरीको अनुमान छ ।