मधेश प्रदेश : बालिका करणीको आरोपमा एक युवक पक्राउ

टुडेपाटी–
सिरहा, साउन १८ गते ।

जबरजस्ती करणी गरेको आरोपमा सिरहा प्रहरीले एक युवकलाई पक्राउ गरेको छ।

पक्राउ पर्नेमा गोलबजार नगरपालिका–१० धर्मपुरका ३८ वर्षीय राजकुमार विश्वकर्मा रहेका छन् ।

विश्वकर्मालाई बालिकालाई जबरजस्ती करणी गरेको आरोपमा इलाका प्रहरी कार्यालय गोलबजारले पक्राउ गरेको हो।

घरमा एक्लै टोलाउने, झोक्राएर बस्ने गरेका बालिकालाई अभिभावकले सोधखाजगर्दा आफूमाथि करणी भएको बताएपछि प्रहरीमा खबर गरेको इलाका प्रहरी कार्यालय गोलबजारका प्रमुख प्रहरी निरीक्षक राजु केसीले जानकारी दिए।

यस सम्बन्धमा थप अनुसन्धान भइरहेको सिरहा प्रहरीले जनाएका छन् ।