महोत्तरी : बोलबम यात्रु बोकेको दुईवटा ट्याक्टर दुर्घटना हुँदा १७ जना घाइते

टुडेपाटी–
जनकपुरधाम, साउन १६ गते ।

महोत्तरीमा छुट्टा छुट्टै स्थानमा बोलबमका यात्रु बोकेको दुईवटा ट्याक्टर दुर्घटना हुँदा १७ जना घाइते भएका छन् ।

सोमबार दिउँसो महोत्तरीको बर्दिबास नगरपालिका ५ ढुङ्ग्रे स्थित बोलबम यात्रुहरु बोकेको ज १ त ६१३५ नम्बरको ट्रयाक्टर आफै अनियन्त्रित भई दुर्घटना हुँदा धनुषा १२ जना घाइते भएका छन् भने बर्दिवास ३ पाटु स्थित बोलबम यात्रु बोकेको ना ३ त २०१७ नम्बरको ट्रयाक्टरले विपरित दिशाबाट आउँदै गरेको ज ११ प ७९१८ नम्बरको मोटरसाईकललाई ठक्कर दिँदा ५ जना घाइते भएको प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए ।

घाइतेहरुको स्थानीय अस्पतालमा उपचार भइरहेको छ ।

ठक्कर दिने ट्याक्टर चालकद्वय फरार भएकाले उनीहरुको खोजतलास भइरहेको तथा यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।

घाइते हुनेहरुको नामाबली

१) धनुषा धनुषाधाम न.पा.५ शान्तिटोल बस्ने अं. वर्ष १८ की अमिका मण्डल अवस्था मध्यम ।
२) ऐ.ऐ बस्ने अं. वर्ष ४० की गिता मण्डल अवस्था मध्यम ।
३) ऐ.ऐ. बस्ने अं. वर्ष ३० की ममता मण्डल अवस्था मध्यम ।
४) जिल्ला धनुषा धनुषाधाम छिरेश्वर न.पा. २ बस्ने अं. वर्ष ५० की चिन्दा यादव अवस्था समान्य ।
५) ऐ.ऐ. बस्ने अं. वर्ष ९ की अन्जली यादव अवस्था समान्य ।
६) ऐ.ऐ. बस्ने अं. वर्ष ३५ की सिता मण्डल अवस्था मध्यम, निजको छोरा अं. वर्ष ४ को आर्यन मण्डल,र अं. वर्ष १० को निकेत मण्डल अवस्था समान्य ।
७) ऐ.ऐ.बस्ने अं. वर्ष ६० की रामकली खत्बे अवस्था समान्य ।
८) ऐ.ऐ.बस्ने अं. वर्ष १३ को आलोक शर्मा अवस्था समान्य ।
९) ऐ.ऐ.बस्ने अं. वर्ष ४८ की जिवशी देवी अवस्था समान्य ।
१०) ऐ.ऐ.बस्ने राम भजन मण्डलको छोरी अं. वर्ष ६ की सुस्मिता मण्डल अवस्था समान्य ।
११) ऐ.ऐ.बस्ने अं. वर्ष ६० की सुनैना ठाकुर अवस्था मध्यम ।
१२) ऐ.ऐ.बस्ने अं. वर्ष ११ को कृष्ण मण्डललाई अवस्था समान्य ।
१३) जिल्ला रौतहट फतुवा बिजयपुर १ बर्गिनिया बस्ने अं. वर्ष ६५ की मिनिया देवी अवस्था मध्यम ।
१४) ऐ.ऐ.बस्ने अं. वर्ष ४० की ललिता देवी अवस्था मध्यम ।
१५) ऐ.ऐ.बस्ने अं. वर्ष ६५ को ठागा बैठा अवस्था मध्यम ।
१६) .ऐ.ऐ.बस्ने अं. वर्ष ४० की रम्वा ठाकुर अबस्था मध्यम ।
१७) मोटरसाईकल चालक जिल्ला महोत्तरी पिपरा गा.पा.३ बस्ने अं. वर्ष २० को उज्वल कुमार झा अवस्था सामान्य