जनकपुरधामको केही भागमा विद्युत अवरुद्ध

टुडेपाटी–
जनकपुरधाम, साउन १६ गते ।

सोमबार भएको वर्षाको कारण जनकपुरधामको केही क्षेत्रको विद्युत अवरुद्ध भएको छ ।

वर्षाका कारण भ्रमरपुरा चौकमा सिटी–२ फिडरको पोल ढलेर तार पिनबाट खस्केपछि जनकपुरधामको केही भागमा विद्युत अवरुद्ध भएको नेपाल विद्युत प्राधिकरण जनकपुर वितरण केन्द्रले जनाएको छ ।

विद्युतिय तार पिनबाट खस्केको कारण माछा बजार, पेठिया बजार, बजरंग चौक एरियामा विद्युत अवरुद्ध भएको हो ।

विद्युत अवरुद्ध भएकाले मर्मतको काम भइरहेको जनकपुर वितरण केन्द्रले जनाएको छ ।