मधेश प्रदेश : बसबाट ओर्लने क्रममा लडेर एक जनाको मृत्यु

टुडेपाटी–
सर्लाही, साउन १५ गते ।

बसबाट ओर्लने क्रममा लडेर सर्लाहीमा एकजनाको मृत्यु भएको छ ।

सर्लाहीको मलंगवा नगरपालिका–२ झण्डा बजारमा आइतवार बसबाट ओर्लने क्रममा लडेर कौडेना गाउँपालिका–३ बस्ने ४० वर्षीय चन्दन चौधरीको मृत्यु भएको जिल्ला प्रहरी कार्यालय सर्लाहीले जनाएको छ ।

ग १ ख ९४५२ नम्बरको बसबाट ओर्लने क्रममा लडेर गम्भीर घाइते भएका चौधरीको उपचारको क्रममा प्रादेशिक अस्पताल मलंगवामा मृत्यु भएको हो ।

यता बस चालक फरार रहेकाले खोजी भइरहेको जिल्ला प्रहरी कार्यालय सर्लाहीले जनाएको छ ।