एस टोस्टमास्टर्स क्लबको दोस्रो वार्षिकोत्सव तथा सपथ कार्यक्रम सम्पन्न

टुडेपाटी-
काठमाडौं, असार ३० गते ।

एस टोस्टमास्टर्स क्लबले आफ्नो दोस्रो वार्षिकोत्सव मनाएको छ ।

दुई वर्ष पूरा गरेको अवसरमा टोस्टमास्टर्स क्लबले काठमाडौंमा एक कार्यक्रम गरी वार्षिकोत्सव मनाउनुको साथै नवनिर्वाचित पदाधिकारीलाई सपथ ग्रहण गराएको हो ।

क्लबका निवार्तमान अध्यक्ष टोस्टमास्टर विवेक दत्तको अध्यक्षतामा सो कार्यक्रमममा नवनिर्वाचित पदाधिकारीहरूलाई भूतपूर्व डिभिजन निर्देशक शौरब लोहनी, डीटीएमले औपचारिक रूपमा पद तथा गोपनियताको सपथ ग्रहण गराएका थिए ।

नयाँ कार्यकालका अध्यक्षमा टोस्टमास्टर रितु भुसाल, उपाध्यक्ष शिक्षा टोस्टमास्टर विवेक कार्की ,उपाध्यक्ष सदस्यता टोस्टमास्टर रश्मी पोखरेल, उपाध्यक्ष जनसम्पर्क टोस्टमास्टर ओसिम अक्रम, सचिवमा जेनी शेरचन, कोषाध्यक्षमा सलिना देउजा र जोस्ना बस्नेत रहेका छन् ।

कार्यक्रममा केक काटनुको साथै सांस्कृतिक कार्यक्रम समेत गरेर रमाइलो गरिएको थियो ।

यो क्लब डिष्ट्रिक्ट ४१ अन्तर्गत टोस्टमास्टर्स इन्टरनेशनलमा जुन २७, २०२० मा चार्टर्ड गरिएको थियो।

टोस्टमास्टर्स इन्टरनेसनल संयुक्त राज्य अमेरिकामा मुख्यालय रहेको गैरनाफामुखी संस्था हो । जसले सञ्चार, सार्वजनिक बोली र नेतृत्वलाई प्रवर्द्धन गर्ने उद्देश्यले विश्वव्यापी रूपमा क्लबहरू सञ्चालन गर्ने गरेको छ ।

धेरै राष्ट्रहरूमा भएका धेरै क्लबहरू मध्येको एक एस टोस्टमास्टर्स क्लब एस इन्स्टिच्युट अफ म्यानेजमेन्टमा आन्तरिक रुपमा खोलिएको नेतृत्व निर्माण गर्ने क्लब हो । जसको उद्देश्य एसका स्नातक र स्नातकोत्तर विद्यार्थीहरूको नेतृत्वको साथसाथै सार्वजनिक रूपमा बोल्ने सीपहरू उत्थान गर्नु हो।