सप्तरीमा कलभर्टमा जमेको पानीमा डुबेर एक बालकको ज्यान गयो

टुडेपाटी-
सप्तरी, असार ६ गते ।

सप्तरीमा कलभर्टमा जमेको पानीमा डुबेर एक बालकको ज्यान गएको छ ।

सप्तरीको तिलाठी कोईलाडी गाउँपालिका ६ मधेपुरा बस्ने राज कुमार मण्डलको ५ वर्षीय छोरा विशाल भन्ने विजय कुमार मण्डलको डुबेर मृत्यु भएको प्रहरीले जनाएको छ ।

सप्तरीका प्रहरी प्रवक्ता माधव प्रसाद काफ्लेका अनुसार सोमबार दिउँसो अढाई बजेको समयमा घरदेखि १०० मिटर उत्तर बाटोमा खेल्ने क्रममा कलभटमा जमेको पानीमा डुबेर बालकको मृत्यु भएको हो ।

घटनास्थलको मुचुल्का र शवको पोस्टमार्टम कार्य गरेर घटना विषयमा थप अनुसन्धान गरिरहेको जिल्ला प्रहरी कार्यालय सप्तरीले जनाएको छ ।