धनुषाबाट पाँच किलो गाँजासहित एक युवक पक्राउ

टुडेपाटी-
जनकपुरधाम, बैशाख २२ गते ।

धनुषाबाट प्रतिबन्धित ५ किलो गाँजासहित एकजना पक्राउ परेका छन् ।

पक्राउ पर्नेमा धनुषाको मिथिला नगरपालिका ६ ढल्केबर बस्ने ३१ वर्षीय किसुनदेव यादव रहेको प्रहरीले जनाएको छ ।

प्रहरीले उनलाई बरमझियाबाट प्र.२-०३-०१९ प १९४२ नम्बरको मोटरसाइकलमा डुमरिया तर्फ जाने क्रममा उनलाई धनुषाको सबैला नगरपालिका १२ रघुनाथपुरबाट चेकजाँचको क्रममा गाँजासहित पक्राउ गरेको हो ।

उनले पिठ्युमा बोकेको झोलामा राखेको पाँच किलो गाँजा बरामद गरेको धनुषाका प्रहरी प्रवक्ता डिएसपी प्रदीपबहादुर क्षेत्रीले जानकारी दिए ।

पक्राउ परेका यादवमाथि थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।