धनुषामा विषालु सर्पले डँस्दा एक बालकको ज्यान गयो

टुडेपाटी-
जनकपुरधाम, फागुन २० गते ।

धनुषामा विषालु सर्पले डँस्दा एक बालकको ज्यान गएको छ ।

सबैला नगरपालिका वडा न.७ बस्ने विक्रम रायको छोरा ७ वर्षीय शेखर रायको सर्पको टोकाइबाट मृत्यु भएको हो ।

बिहीबार दिउँसो ३ बजे खेतमा गएको बेला बालकलाई सर्पले टोकेको थियो ।

उनको उपचारको क्रममा मृत्यु भएको परिवारजनले जनाएको छ ।

बालक स्थानीय हनुमान प्राथमिक विद्यालय नवटोलीमा कक्षा २ मा अध्ययनरत्त थिए ।