नम्बर नलेखिएको तथा नबुझिने गाडीमा धनुषा प्रहरी नम्बर लेखाएर पठाउँदै

टुडेपाटी–
जनकपुरधाम, फागुन ११ गते ।

धनुषा प्रहरी नम्बर नलेखाएको तथा लेखाएपनि राम्रो सँग नबुझिने गाडीमा नम्बर लेख्न लगाई पठाउने गरेका छन् ।

दुई सातामा धनुषा प्रहरीले विभिन्न चेक प्वाईन्टमा १ सय ३२ वटा सवारी साधनहरुलाई नियन्त्रणमा लिई नम्बर लेखाई पठाएको जिल्ला प्रहरी कार्यालय धनुषाका प्रहरी प्रवक्ता प्रहरी नायव उपरीक्षक जितेन्द्र कुमार बस्नेतले जानकारी दिए ।

माघ २७ गते देखि फागुन १० गतेसम्ममा जिल्ला ट्राफिक प्रहरी कार्यालय धनुषा द्धारा ट्राफिक चेक प्वाईन्ट मुजेलिया, जनकपुरधाम, रेल्वे, हनुमाननगर, कपिलेश्वर र जिरोमाईलमा चेकिङमा खटेका प्रहरी टोलीले नम्बर नबुझिने तथा अनटेस्ट नम्बर प्लेट भएका १३२ वटा सवारी साधनहरू नियन्त्रणमा लिई सवारी साधनहरूमा नम्बर लेख्न लगाई पठाईएको प्रवक्ता बस्नेतले जानकारी दिए ।

धनुषा प्रहरीले नम्बर नबुझिने तथा अनटेस्ट नम्बर प्लेट भएका सवारी साधनहरूमा नम्बर लेख्न लागाई ट्राफिक व्यवस्थापन तथा अनुसन्धान कार्यमा सहयोग पुर्याउन अनुरोध समेत गरेको छ ।