सर्लाहीमा स्यालको टोकाईबाट १५ जना घाइते

टुडेपाटी–
सर्लाही, फागुन १० गते ।

सर्लाहीमा स्यालले टोक्दा १५ जना घाइते भएका छन् । मंगलवार एकाबिहानै गाउँ पसेको स्यालले विष्णु गाउँपालिका–२ र ४ स्थित नदिया पकडी र पकडी गोठमा स्थानीयमाथि आक्रमण गरेको हो ।

स्यालको टोकाईबाट १५ जना घाइते भएको जिल्ला प्रहरी कार्यालय सर्लाहीले जनाएको छ ।

स्यालको आक्रमणबाट बालबालिका र वृद्धवृद्धासमेत घाइते भएका छन्

घाइतेमध्ये ६ जनालाई थप उपचारका लागि काठमाडौं रिफर गरिएको छ ।

बाँकी घाइतेको जिल्ला अस्पताल तथा स्थानीय स्वास्थ्य संस्थामा उपचार भइरहेको जिल्ला प्रहरी कार्यालय सर्लाहीका सूचना अधिकारी एवं प्रहरी निरीक्षक कृष्ण गिरीले जानकारी दिए ।