प्रदेश २ : सशस्त्र प्रहरीद्वारा १ सय ५० केजी गाँजा बरामद

टुडेपाटी–
पर्सा, पुस १२ गते ।

सशस्त्र प्रहरीले पर्सामा १ सय ५० केजी लागुऔषध गाँजा बरामद गरेको छ ।

सोमबार साँझ करिब सावा ५ बजे पर्साको पोखरी नगरपालिका वडा नं. ३ बसन्तपुरमा पिकअप सहित गाँजा बरामद गरेको सशस्त्र प्रहरी प्रदेश २ का डिआइजी गणेश ठाडाले जानकारी दिए ।

सप्रबल नेपाल नं. २ छिन्न्मस्ता बाहिनी मुख्यालय बर्दीबास महोत्तरीबाट सशस्त्र प्रहरी बरिष्ठ हबलदार प्रमोद बैठाको ४ जनाको स्क्वाड टोलीले बिरगंजबाट भिष्वा तर्फ जादै गरेको बा ५ च ६५५३ नंम्वरको पिक अप भ्यानलाई रोकेर चेक जाँच गर्दा गाजाँ बरामद भएको डिआइजी ठाडाले जानकारी दिए ।

पिकअपलाई रोकर चेक गर्दा गाडी छाडी चालक फरार भएकाले गाँजा र गाडी नियन्त्रणमा लिई इलाका प्रहरी कार्यालय पोखरियमा बुझाउने कार्य भईरहेको सशस्त्र प्रहरीले जनाएको छ ।