प्रदेश २ का कृषि विश्वविद्यालयको उपकुलपतिमा महतो नियुक्त

टुडेपाटी–
जनकपुरधाम, मंसिर २१ गते ।

प्रदेश २ सरकारले कृषि विश्वविद्यालयको उपकुलपतिमा डा. वैदनाथ महतोलाई नियुक्त गरेको छ ।

प्रदेशको महत्वाकांक्षी कार्यक्रमको रुपमा रहेको कृषि विश्वविद्यालयको स्थापना तथा संचालनको शुरुआतको सिलसिलामा मंगलबार उपकुलपतिको नियुक्ति गरिएको मुख्यमन्त्री लालबाबु राउतको सञ्चार सचिवालयले जनाएको छ ।

Sponsored

प्रदेश २ का नीति तथा योजना आयोगका पुर्व सदस्य समेत रहेका मिर्चैया नगरपालिका वडा नं. २ का डा. वैधनाथ महतोलाई सहकुलपति तथा सामाजिक विकास मन्त्री नवलकिशोर साहको सिफारिसमा कुलपति समेत रहेका मुख्यमन्त्री लालबाबु राउतले नियुक्त गरेका छन् ।