महोत्तरीका १ सय २२ वडामा सर्वसम्मत नेतृत्व चयन

टुडेपाटी–
महोत्तरी, मंसिर १२ गते ।

नेकपा माओवादी केन्द्र महोत्तरीको १ सय २२ वडा वडामा सर्वसम्मत रूपमा नेतृत्व चयन भएको छ ।

नेकपा माओवादी केन्द्र महोत्तरीका इन्चार्ज राजु खडकाका अनुसार जिल्लाका १ सय ३८ वडामध्ये १ सय २२ वडामा नेतृत्व चयन भइसकेको र १६ वडामा अधिवेशन गर्न बाँकी रहेको जानकारी दिए । त्यस्तै एक पालिकामा समेत सर्वसम्मत रुपमा नेतृत्व चयन भएको हो ।

खडकाका अनुसार अधिवेशन गर्न बाँकी रहेका वडाहरुको पार्टी सदस्यता विवाद टुंगो लगाएपछि आइतबारसम्म अधिवेशन गरिसक्ने गरी काम भइरहेको छ ।

मनरा शिसवा नगरपालिकाको १० वटै वडामा अधिवेशन सम्पन्‍न भएपछि नगर अधिवेशन सफलतापूर्वक सम्पन्‍न भएको माओवादी केन्द्रका नेता तुलसी ढुंगानाले जानकारी दिए । अन्य पालिकामा नगर अधिवेशनको तयारी भइरहेको छ ।