जनकपुरबाट ७ लाख बढीको भन्सार छलिको समान बरामद

टुडेपाटी-
जनकपुरधाम, कार्तिक २२ गते ।

धनुषा प्रहरीले जनकपुरको विभिन्नस्थानबाट ७ लाख बढीको मूल्य बराबरको भन्सार छलिको समान बरामद गरेको छ ।

आइतबार जनकपुरधाम उपमहानगरपालिका ४ मछाबजार स्थित सडक खण्डमा भारतबाट भन्सार छली ल्याएका जुटको ४ वटा बोरामा पितलको भाडा वर्तनहरू वेवारिसे अवस्थामा बरामद गरेको छ । १६६ किलो तौल भएको सो भाडाकुँडा २ लाख बराबरको रहेको जिल्ला प्रहरी कार्यालय धनुषाले जनाएको छ ।

यस्तै नै जनकपुरधाम उपमहानगरपालिका २४ बसहिया स्थित भारतबाट भन्सार छली ल्याएका रंजनिगन्धा १० पोका र तुलसी २८ पोका, बच्चाले लगाउने चुरा १५० डिबा, महिलाले लगाउने चुरा १७ डिबा र नम्बर पलेट नखुलेको अपाच्य मोटरसाइकल एकथान गरी १ लाख ३८ मूल्य बरारबरको समानहरू बरामद गरेको प्रहरीले जनाएको छ ।

जनकपुर उपमाहानगरपालिका ४ राम चौक स्थित ज १ ह ४२९९ नम्वरको अटोबाट भारतबाट छलि अवैध रुपमा ल्याएको मिठ्ठा , चिनी, बिस्कुट, रजनिगन्धा लगायतका समान बरामद गरेको छ । उक्त समानहरुको मूल्य ३ लख ७८ हजार ४० रुपैयाँ बराबरको समान र अटो रहेको जिल्ला प्रहरी कार्यालय धनुषाले जनाएको छ ।

नियन्त्रणमा लिएको उक्त भन्सार छलिका समानहरु आवश्यक कार्वाहीको लागि जनकपुर भन्सरा कार्यालय धनुषामा पठाएको प्रहरीले जनाएको छ ।