पर्सामा जंगली हात्तीको आक्रमणबाट एक जनाको ज्यान गयो

टुडेपाटी-
जनकपुरधाम, कार्तिक १५ गते ।

पर्सामा जंगली हात्तीको आक्रमणबाट एक जनाको ज्यान गएको छ ।

ज्यान जानेमा मकवानपुरको मनहरी गाउँपालिका ५ बस्ने अन्दाजी ५५ वर्षीय सोमबहादुर राई छन् ।

पर्साको पटेर्वासुगौली गाउँपालिका १ शीतलपुरस्थित खोलाको बगरमा उनलाई हात्तीले आक्रमण गरी ज्यान लिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले जानकारी दिए ।

कार्तिक १२ गते राति १२ बजे उनलाई जंगली हात्तीले आक्रमण गरे पनि प्रहरीले ढिलो सूचना पाएको जनाएको छ ।

मृतकको शव पोष्टमार्टमका लागि वीरगञ्ज स्थित नारायणी अस्पतालमा पठाइएको प्रहरीले जनाएको छ ।