बारामा कार र मोटरसाइकल एकआपसमा ठोक्किँदा २ जनाको घटनास्थलमै मृत्यु

टुडेपाटी-
बारा, असोज २८ गते ।

बारामा कार र मोटरसाइकल एकआपसमा ठोक्किँदा २ जनाको घटनास्थलमै मृत्यु भएको छ ।

बुधबार राति ८ बजे निजगढदेखि कोहल्बी जाने सडकखण्डमा निजगढको तामागढीबाट कोहल्बीतर्फ गइरहेको बा ११ च ४५११ नम्बरको कार र विपरीत दिशाबाट आइरहेको ना ५९ प १२७० नम्बरको मोटरसाइकल आपसमा ठोक्किएको थियो ।

दुर्घटनामा परी मोटरसाइकलमा सवार दुई जनाको मृत्यु भएको जिल्ला प्रहरी कार्यालय बाराका प्रहरी निरीक्षक सुरेन्द्र यादवले जानकारी दिए ।

बाराको कोहल्बी नगरपालिका–२ बस्ने ३८ वर्षीय पेमा दोर्जे घिसिङ र ४० वर्षीय डेनी स्याङताङको घटनास्थलमै मृत्यु भएको उनले बताए ।

कारका चालक कोहल्बी नगरपालिका–२ बस्ने ४५ वर्षीय बद्री अधिकारी पनि सामान्य घाइते भएको तथा उनी अहिले प्रहरीको नियन्त्रणमा रहेको यादवले बताए ।