सर्लाहीमा सर्पले डस्दा एक महिलाको ज्यान गयो

टुडेपाटी-

सर्लाही, असोज १८ गते ।

सर्लाहीमा सर्पले डसेर एकजना महिलाको ज्यान गएको छ ।

बागमती नगरपालिका-१ का ३७ वर्षीया सरस्वती थापाको सर्पको टोकाइबाट मृत्यु भएको हो ।

शनिवार राती साँढे १० बजेतिर वर्षा भइरहेको समयमा सर्पले डसेको थियो ।

उनलाई उपचारका लागि नवलपुरस्थित सर्पदंश उपचार केन्द्रतर्फ ल्याउँदै गर्दा बाटोमै मृत्यु भएको पारिवारजनले जनाएको छ ।