पर्साको धुताहा खोलामा मंगलबार बेपत्ता भएका बालकको शव फेला

टुडेपाटी–

पर्सा, असार १७ गते ।

पर्सामा मंगलबार नुहाउने क्रममा धुताहा खोलामा बेपत्ता भएका बालकको शव बिहीबार मृत अवस्थामा फेला परेको छ ।

पोखरिया नगरपालिका– ९ रानीगन्जको धुताहा खोलामा हराएका बालक शिवर्वाका १५ वर्षीय राजु महतोको शव बिहीबार अपराह्न फेला परेको हो ।

सशस्त्र प्रहरीको चितवन कुरिनटारस्थित विपद् व्यवस्थापन तालिम शिक्षालयबाट आएको गोताखोरको टोलीले महतो हराएको स्थानभन्दा करिब डेढ किलोमिटर दक्षिणमा उनको शव बरामद भएको प्रहरीले जनाएको छ ।

इलाका प्रहरी कार्यालय पोखरियाका प्रहरी निरीक्षक दिपक थापाका अनुसार गाउँकै एक जनाको मलामी गएका महतो नुहाउने क्रममा गत मंगलबार पौने ३ बजे खोलामा बेपत्ता भएका थिए ।