सिरहामा सल बेरिएर दुर्घटना हुँदा महिलाको घटनास्थलमै मृत्यु
टुडेपाटी-
सिरहा, जेठ १ गते ।
सिरहामा मोटरसाइकल दुर्घटनामा हुँदा एकजना महिलाको घटनास्थलमै मृत्यु भएको छ । मृत्यु हुनेमा गोलबजार नगरपालिका-५ की २७ वर्षीया निरुदेवी साह छिन् ।
शनिबार औरही गाउँपालिका-१ हरकट्टी चोकनजिकै गुडिरहेको स १० प ४५२२ नम्बरको मोटरसाइकलमा पछाडि सवार महिलाको सल बेरिएर दुर्घटना हुँदा महिलाको मृत्यु भएको हो ।
मोटरसाइकल चालक मृतकका श्रीमान् राजेश्वर साह सामान्य घाइते भएको प्रहरीले जनाएको छ ।
Sponsored
