महोत्तरीमा ट्याक्टरको ठक्करबाट अन्सारीको ज्यान गयो

टुडेपाटी-
महोत्तरी, चैत ७ गते ।

महोत्तरीमा ट्याक्टरको ठक्करबाट एक बालकको ज्यान गएको छ । ज्यान जानेमा महोत्तरीको मनरासिस्वा नगरपालिका–८ कटैया बस्ने मसलाद्दीन अन्सारीका छोरा १४ वर्षीय मञ्जर अन्सारी छन् ।

गएराति मनरासिस्वा नगरपालिका ८ कटैमा गाउँको भित्री सडकमा अत्यधिक तीव्र गतिमा आउँदै गरेको ज १ त ५२४१ नं को ट्याक्टरले आफ्नै घर अगाडि उभिरहेका बालक मञ्जरलाई पछाडिबाट अचानक ठक्कर दिँदा उनी गम्भीर घाइते भएका थिए । बालकलाई उपचारका लागि स्थानीय स्वास्थ्य क्लिनिकमा लैजाँदै गर्दा बाटोमै मृत्यु भएको महोत्तरीका प्रहरी उपरीक्षक श्यामकृष्ण अधिकारीले जानकारी दिए ।

Sponsored

ट्र्याक्टरको ठक्करबाट मृत्यु भएका बालक मञ्जरको शव पोस्टमार्टमका लागि गएराति नै जिल्ला अस्पताल जलेश्वरमा पठाइएको छ भने घटना पश्चात ट्याक्टरलाई प्रहरीले नियन्त्रणमा लिएको एसपी अधिकारीले बताए ।