बारामा ट्रकले मोटरसाइकललाई ठक्कर दिँदा एकजनाको मृत्यु, एक घाइते

टुडेपाटी-
जनकपुरधाम, चैत १३ गते ।

बारामा ट्रकले ठक्कर दिँदा मोटरसाइकलमा सवार एकजनाको मृत्यु भएको छ भने अर्का एकजना घाइते भएका छन् ।

पूर्वपश्चिम राजमार्ग अन्तर्गत बाराको जितपुर सिमरा उपमहानगरपालिकामा शुक्रबार दिउँसो पौने एक बजेको समयमा पथलैयाबाट अमलेखगन्जतर्फ जाँदै गरेको ना १७ प ७८२७ नम्बरको मोटरसाइकललाई सोही दिशातर्फ जाँदै गरेको युके ०८ सीए ५०९७ नम्बरको भारतीय ट्रकले ओभर टेक गर्ने क्रममा पछाडिको भागले मोटरसाइकललाई ठक्कर दिएको थियो ।

ठक्करबाट मोटरसाइकल चालक जितपुर सिमरा उपमहानगरपालिका–२१ बस्ने ५६ वर्षिय विजय कान्ता झा र पछाडि बस्ने वडा नम्बर २२ का ३७ वर्षीय निमा शेर्पा तितुंग घाइते भएका थिए ।

घाइते भएका शेर्पाको उपचारको क्रममा हेटौंडाको चुरे हिल अस्पतालमा मृत्यु भएको बाराका प्रहरी प्रवक्ता गौतम मिश्रले जानकारी दिए । घाइते झाको अवस्था समान्य रहेको, ठक्कर दिने ट्रक र चालकलाई नियन्त्रणमा लिइ अनुसन्धान भइरहेको उनले बताए ।