महोत्तरीका राजेश ट्याब्लेट र क्याप्सुल सहितका लागुऔषध सहित प्रहरीको फन्दामा

टुडेपाटी-

जनकपुरधाम, चैत ६ गते ।

महोत्तरीमा लागुऔषधसहित एक युवक पक्राउ परेका छन्।

पक्राउ पर्नेमा जिल्लाको बर्दिबास नगरपालिका वडा नं. ३ का १९ वर्षीय राजेश माझी रहेको महोत्तरीका प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए।

प्रहरी चौकी सम्सीबाट गस्तीमा खटेको प्रहरी टोलीले चेकजाँज गर्ने क्रममा सम्सीतर्फबाट जाँदै गरेका माझीलाई औरही नगरपालिका वडा नं. ४ बाट नियन्त्रणमा लिएको प्रवक्ता विष्टले बताए।

माझीलाई २ सय ४० पिस नाइट्रोभेट ट्याब्लेट र ८ क्याप्सुल एस्पास्मो प्रोक्सीवन प्लससहित नियन्त्रणमा लिएको महोत्तरी प्रहरीले जनाएको छ।

पक्राउ परेका माझीलाई जिल्ला अदालत महोत्तरीबाट ४ दिनको म्याद लिइ थप अनुसन्धान थालेको प्रहरीले जनाएको छ।