प्रदेश २ : कुहिएको अवस्थामा महिलाको शव भेटयो, महिलाको आफन्त खोज्दै प्रहरी

टुडेपाटी-

सिरहा, फागुन १३ गते ।

सिरहामा एकजना महिलाको शव फेला परेको छ ।

मिर्चैया नगरपालिका ७ स्थित हरियो सामुदायिक वनमा कुहिएको अवस्थामा महिलाको शव फेला परेको प्रहरीले जनाएको छ ।

जिल्ला प्रहरी कार्यालय सिरहाका अनुसार अन्दाजी ३० वर्षकी मृतक महिलाले रातो कुर्ता, हरियो सुरुवाल, खुट्टामा पाउजु लगाएकी छिन् ।

तर उनको पहिचान भने हुन सकेको छैन। स्थानीय गोठालाहरुले जंगल जाँदा महिलाको लाश देखेपछि प्रहरीलाई खबर गरेका थिए ।

त्यसपछि प्रहरी घटनास्थल पुगेर मुचुल्का गरी शव पोष्टमार्टमकालागि लहान लगेका थिए ।

घटना सम्बन्धमा थप अनुसन्धान तथा मृतकका आफन्तको खोजीकार्य भइरहेको जिल्ला प्रहरी कार्यालय सिरहाले जनाएको छ ।