सिरहाबाट लागुऔषधसहित यादव पक्राउ

टुडेपाटी-
सिरहा, फागुन २२ गते ।

सशस्त्र प्रहरी सिरहाले लागुऔषध सहित एक जनालाई पक्राउ गरिएको छ । पक्राउ पर्नेमा सिरहाको सखुवानन्कारकट्टी गाउँपालिका ४ बस्ने १५ वर्षीय दिपेश यादव छन् ।

यादवलाई बुधबार सिरहाको भगवानपुर गाउँपालिका ३ अभयनगर स्थित प्रहरी चौकी ठाडी सिरहाबाट खटिएको गस्ती टोली र सशस्त्र प्रहरीको संयुक्त टोलीले चेकजाँच गर्ने क्रममा पक्राउ गरिएको सिरहाका प्रहरी नायव उपरीक्षक विनोद घिमिरेले जानकारी दिए ।

Sponsored

प्रहरीले साइकलयात्री यादवको साथबाट लागुऔषध फेनारगन ३ एम्पुल, डाईजेल्याव ३ एम्पुल, नामलेवल नभएको ३ एम्पुल र नाईट्रोभेट ४५ ट्याबलेटसहित पक्राउ गरिएको बताइएको छ ।
ईलाका प्रहरी कार्यालय लहानबाट थप अनुसन्धान भईरहेको छ ।