धनुषाको महेन्द्रनगरबाट एक युवक ३ दिनदेखि बेपत्ता, अपहरणको आशंका

टुडेपाटी-
जनकपुरधाम, कार्तिक १७ गते ।

जनकपुरबाट घरबाट हिँडेका धनुषाका एक युवक बेपत्ता भएका छन् । मिथिला नगरपालिका–३ हरिहरपुर घर भएका २४ वर्षीय श्रवन कुमार महतो गएको शुक्रबार विहान करिब ११ बजे बेपत्ता भएको परिवारजनले जनाएको छ ।

‘दिगम्बरपुरका एकजनासँग उसले पैसा लिएको थियो । त्हीँ पैसा दिन उ महेन्द्रनगरमा बसबाट उत्रिएका थिए । त्यसको १० मिनेटपछि फोन गर्दा फोन लागेन् । सायद कसैले अपहरण गरिसक्यो,’ उनका दाई सन्तोषले भने ।

प्रहरीमा खबर गरेको र प्रहरीले खोजी कार्य जारी राखेको भन्दै आएको उनको भनाई छ । तर प्रहरीले पनि प्रारम्भिक अनुसन्धानमा घटना आफैले रचेको निचोड निकालेपनि भित्री अनुसन्धान जारी राखेको छ ।

यसअघि समेत नाटकीय रुपमा अपहरण परेको हल्ला फैलाएका उनी खेतमा फेला परेको धनुषाका डिएसपी मकेन्द्र मिश्रले बताए । फेरिपनि वासतवमै अपहरणमा परेको वा नाटक गरेको विषयमा थप अनुसन्धान जारी रहेको उनको भनाइ छ ।