ट्याक्टर पल्टिदा च्यापिएर चालकको ज्यान गयो

टुडेपाटी-
पर्सा, कार्तिक १६ गते ।

पर्सामा टयाक्टर दुर्घटना हुँदा एकजनाको मृत्यु भएको छ । मृत्यु हुनेमा पर्साको जगरनाथपुर गाउँपालिका–२ लक्ष्मीपुरका टयाक्टर चालक ४० वर्षीय राम मनोहर साह रहेको प्रहरीले जनाएको छ ।

लक्ष्मीपुरबाट धान बोकेर वीरगञ्ज आउँदै गरेको लु ३ त १२१६ नम्बरको ट्याक्टर चन्द्रवाती खोलाको पुलकै छेउबाट खोल्सामा खसेर दुर्घटना भएको हो । आइतबार बिहान साढे १० बजे ट्याक्टर उनकालो चढ्ने क्रममा खोल्सामा खस्दा च्यापिएर चालक साहको मृत्यु भएको हुन सक्ने प्रहरीको अनुमान छ ।

Sponsored

शव पोष्टमार्टमका लागि नारायणी अस्पताल पठाइएको र घटना विषयमा थप अनुसन्धान भइरहेको इलाका प्रहरी कार्यालय पोखरीयाका प्रहरी निरीक्षक रामकाजी थापाले जानकारी दिए ।