झण्डै डेढ क्विन्टल गाँजासहित पर्साबाट एकजना पक्राउ

टुुुडेपाटी-
जनकपुरधाम, असोज २२ गते ।

प्रहरीले प्रतिबन्धित लागुऔषध गाँजा सहित पर्साबाट एक जनालाई पक्राउ गरेको छ । जिल्लाको पटेर्वासुगौली गाउपालिका ५ देउरियाका राजु ओझैयालाई गाँजा सहित पक्राउ गरेको हो ।

विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले ओझैयाको घरमा छापा मारेर गाँजासहित उनलाई पक्राउ गरेको पर्साका प्रहरी प्रवक्ता मनोजित कुँवरले जानकारी दिए ।

बुधबार राति उनको साथबाट एकसय ३१ किलो गाँजा बरामद भएको उनले बताए । ओझैयाको घरमा छापा मारेर खानतलासी गर्दा धेरै पोकामा रहेको एकसय ३१ केजी गाँजा  बरामद भएको हो ।

गाँजासहित पक्राउ परेका ओझैयालाई जिल्ला  प्रहरी कार्यालय पर्साको हिरासतमा राखेर थप अनुसन्धान भइरहेको प्रहरीले जनाएको छ ।